ٹائیگر فورس سے کورونا وباء کے ساتھ ساتھ ٹڈی دل کے خاتمے کےلئے خدمات لی جائیں، وزیر اعظم کی عثمان ڈار کو ہدایت

اسلام آباد(پی این آئی) :ٹائیگر فورس سے کورونا وباء کے ساتھ ساتھ ٹڈی دل کے خاتمے کےلئے خدمات لی جائیں، وزیر اعظم کی عثمان ڈار کو ہدایت، وزیراعظم عمران خان نے ٹائیگر فورس سے مزید محاذوں پر قومی خدمات حاصل کرنے کا فیصلہ کرلیا، ٹائیگر فورس سےکوروناوبا کے ساتھ ساتھ ٹڈی دل کے خاتمے

کےلئے خدمات لی جائیں گی۔تفصیلات کے مطابق وزیراعظم عمران خان سےمعاون خصوصی عثمان ڈار کی اہم ملاقات ہوئی ، ملاقات میں وزیراعظم کو کامیاب جوان پروگرام،ٹائیگر فورس سے متعلقہ معاملات پر بریفنگ دی گئی۔وزیراعظم نے ٹائیگر فورس سے مزید محاذوں پر قومی خدمات حاصل کرنے کا فیصلہ کرلیا ، ٹائیگر فورس سےکوروناوبا کے ساتھ ساتھ ٹڈی دل کے خاتمے کےلئے خدمات لی جائیں گی۔وزیراعظم جلد رضا کار فورس کے نوجوانوں سے اہم خطاب کریں گے اور قومی رضا کاروں کو ممکنہ سیلابی صورت حال،کلین اینڈ گرین مہم کیلئے بھی ٹاسک سونپا جائے گا۔وزیراعظم ٹائیگر فورس کو کورونا ایس او پیز پر عملدرآمد یقینی بنانے کی ہدایت کریں گے جبکہ احساس پروگرام کے تیسرے مرحلے کیلئے بھی نوجوانوں کو حکومت سے تعاون کا موقع دیا جائے گا۔معاون خصوصی عثمان ڈار نے بریفنگ میں بتایا 1 لاکھ65 ہزار رضا کاروں نے دی گئی ذمےداریوں کو سر انجام دیا، پنجاب سے 1 لاکھ 36 ہزار سے زائد نوجوانوں نے سرگرمیوں میں حصہ لیا جبکہ خیبرپختونخواسے 1 لاکھ 24 ہزار نوجوانوں نے حکومت کی معاونت کی۔عثمان ڈار کا کہنا تھا کہ زیادہ تر نوجوانوں کی تعداد پڑھے لکھے افراد پر مشتمل ہے، نوجوان رضا کار مستقبل میں بھی قومی معاملات میں معاونت کریں گے،نوجوانوں کو قومی سطح پر خدمات کا بھرپور موقع دیا جائے۔