لاہور(پی این آئی)شہباز شریف کی 2 جون کو پیشی، نیب کے خصوصی انتظامات، کورونا کی احتیاط، انکوائری ٹیم اور شہباز شریف کے درمیان شیشے کی دیوار نصب،قومی احتساب بیورو (نیب) نے 2 جون کو شہباز شریف کی پیشی کے لیے حفاظتی اقدامات مکمل کرلئے ہیں۔ترجمان نیب کا کہنا ہےکہ کورونا وائرس کے
پیش نظر تحقیقاتی ٹیم اور شہباز شریف کے درمیان ٹیبل پر گلاس وال نصب کی گئی ہے۔نیب کا کہنا ہے کہ تمام انٹرویو رومز کو باقاعدگی سے جراثیم کش اسپرے کیا جا رہا ہے۔نیب نے سی آئی ٹی کےممبران کو سوال جواب کے دوران سماجی فاصلہ رکھنے اور تمام ٹیم ممبران کو ماسک پہننے کی ہدایات بھی جاری کردیں۔ترجمان کے مطابق شہباز شریف کو گزشتہ پیشی پر مفصل سوالنامہ فراہم کردیا گیا تھا۔ ان کی خواہش پر زیادہ وقت بھی فراہم کیا گیا تاکہ بیرون ملک سے مطلوبہ ریکارڈ حاصل کر سکیں۔ترجمان کا کہنا ہے کہ نیب میگا کرپشن کیسز جلد نمٹانے کیلئے کوششیں تیز کر رہا ہے، شہباز شریف کی پیشی سے متعلق پھیلائے جانے والے مفروضے حقائق پر مبنی نہیں۔
تازہ ترین خبروں کے لیے پی این آئی کا فیس بک پیج فالو کریں
