خیبر پختونخوا میں کورونا سے صحتیابی کی شرح سب سے زیادہ ہے، اجمل وزیر کا دعوی

خیبر پختو خوا (پی این آئی)خیبر پختو خوا میں کورونا سے صحتیابی کی شرح سب سے زیادہ ہے، ترجمان خیبر پختونخوا حکومت اجمل وزیر نے کہا ہے کہ کورونا سے متعلق عوام میں شعور پیدا کرنے حوالے سے میڈیا اہم کردار ادا کررہا ہے۔ اُن کا کہنا ہے کہ خیبر پختونخوا میں کورونا سے ریکوری کی شرح دیگر صوبوں

کے مقابلے میں سب سے زیادہ ہے۔پشاور میں میڈیا سے گفتگو کرتے ہوئے اجمل وزیرنے کہا کہ خیبرپختونخوا میں کورونا مریضوں کی ریکوری کی شرح 31 فیصد ہے، جبکہ صوبے میں کورونا کے 200 آئسولیشن وارڈز قائم ہیں جن میں 5598 بستروں کی گنجائش ہے۔انہوں نے کہا کہ صوبے میں 359 قرنطینہ مراکز قائم ہیں جبکہ کے پی کے میں 550 سے زائد وینٹی لیٹرز کورونا مریضوں کےلئے مخصوص ہیں۔اجمل وزیرنے کہا کہ سماجی فاصلے سمیت دیگر حفاظتی انتظامات پر من و عن عمل کرکے ایک اہم ذمہ دار شہری کا ثبوت دیں۔ترجمان کے پی حکومت نے کہا کہ اس وقت کورونا کا علاج صرف اور صرف احتیاطی تدابیر پر عمل کرنا ہے۔اجمل وزیر نے کہا کہ لیڈر اور ڈیلر میں فرق ہوتا ہے عمران خان ایک لیڈر ہے جو ہمیشہ فرنٹ سے لیڈ کرتا ہے اس سے پہلے سارے ڈیلر تھے جنہوں نے ملک کو دونوں ہاتھوں سے لوٹا ہے۔انہوں نے کہا کہ وزیراعظم کے وژن کے مطابق وزیراعلیٰ کے پی خود فرنٹ پر موجود ہیں اور اپنی جان کی پرواہ کئے بغیر اسپتالوں اور قرنطینہ مراکز کے دورے کر رہے ہیں۔