پشاور(پی این آئی) میں گزشتہ 24 گھنٹوں کےدوران شدید بارشوں سے3 افرادجاں بحق جبکہ6 زخمی ہوگئے۔پی ڈی ایم اے کے مطابق پشاور میں بارشوں کےباعث 3 مکانات کوجزوی نقصان پہنچا۔پی ڈی ایم اے نے متاثرہ اضلاع میں امدادی کارروائیاں تیزکرنےکی ہدایت جاری کر دی ہے۔
خیبرپختونخوا کے بیشتر اضلاع میں وقفے وقفے سے بارش جاری ہے، محکمہ موسمیات کے مطابق پشاور میں گذشتہ 24 گھنٹوں کے دوران 10 ملی میٹر بارش ریکارڈ کی گئی ہے۔محکمہ موسمیات کے مطابق پاڑاچنار میں 14، مردان میں 5، چارسدہ اور ایبٹ آباد میں 7، 7 ملی میٹر بارش ریکارڈ کی گئی جبکہ سب سے زیادہ بارش ڈی آئی خان میں 27 ملی میٹر ریکارڈ کی گئی ہے۔صوبے کے بالائی علاقوں میں برف باری اور ژالہ باری کا بھی سلسلہ جاری ہے اور محکمہ موسمیات کے مطابق خیبر پختونخوا میں آئندہ 24 گھنٹوں کے دوران مزید بارش کا بھی امکان ہے۔دوسری جانب وادی کوئٹہ اور گردونواح میں مطلع جزوی ابرآلود ہے جبکہ کوئٹہ میں آج کم سے کم درجہ حرارت ایک ڈگری سینٹی گریڈ ریکارڈ کیا گیا ہے۔محکمہ موسمیات کے مطابق قلات میں سردی میں ایک بار پھراضافہ ہوگیا ہے، قلات میں کم سے کم درجہ حرارت منفی 3 ڈگری سینٹی گریڈ ریکارڈ کیا گیا ہے۔محکمہ موسمیات کا کہنا ہے کہ دالبندین میں ایک، ژوب میں 3، بارکھ آن میں 5، تربت، پنجگور اور خضدار میں6، نوکنڈی میں 8، لسبیلہ میں 11، سبی اور جیوانی میں 13 اور پسنی میں 14 ڈگری سینٹی گریڈ درجہ حرارت ریکارڈ کیا گیا ہے۔محکمہ موسمیات کے مطابق آج شمال مشرقی بلوچستان میں بارش اور پہاڑوں پر برفباری کا امکان ہے۔۔۔۔۔۔۔۔۔۔۔۔۔۔۔۔۔۔۔۔۔۔۔پاکستان نیوز انٹرنیشنل (پی این آئی) قابل اعتبار خبروں کا بین الاقوامی ادارہ ہے جو 23 مارچ 2018 کو برطانیہ کے دارالحکومت لندن میں قائم کیا گیا، تھوڑے عرصے میں پی این آئی نے دنیا بھر میں اردو پڑہنے، لکھنے اور بولنے والے قارئین میں اپنی جگہ بنا لی، پی این آئی کا انتظام اردو صحافت کے سینئر صحافیوں کے ہاتھ میں ہے، ان کے ساتھ ایک پروفیشنل اور محنتی ٹیم ہے جو 24 گھنٹے آپ کو باخبر رکھنے کے لیے متحرک رہتی ہے، پی این آئی کا موٹو درست اور بروقت اور جامع خبر ہے، پی این آئی کے قارئین کے لیے خبریں، تصاویر اور ویڈیوز انتہائی احتیاط کے ساتھ منتخب کی جاتی ہیں، خبروں کے متن میں ایسے الفاظ کے استعمال سے اجتناب برتا جاتا ہے جو نا مناسب ہوں اور جو آپ کی طبیعت پر گراں گذریں، پی این آئی کا مقصد آپ تک ہر واقعہ کی خبر پہنچانا، اس کے پیش منظر اور پس منظر سے بر وقت آگاہ کرنا اور پھر اس کے فالو اپ پر نظر رکھنا ہے تا کہ آپ کو حالات حاضرہ سے صرف آگاہی نہیں بلکہ مکمل آگاہی حاصل ہو، آپ بھی پی این آئی کا دست و بازو بنیں، اس کا پیج لائیک کریں، اس کی خبریں، تصویریں اپنے دوستوں اور رابطہ کاروں میں شیئر کریں، اللہ آپ کا حامی و ناصر ہو، ایڈیٹر
تازہ ترین خبروں کے لیے پی این آئی کا فیس بک پیج فالو کریں
