بھارتی ریاست اتر پردیش کے شہر غازی آباد میں ایک افسوسناک واقعہ پیش آیا، جہاں آوارہ کتوں کو کھانا کھلانے پر ایک شخص نے خاتون کو بہیمانہ تشدد کا نشانہ بنایا۔
بھارتی میڈیا کے مطابق یہ واقعہ جمعہ کی رات پیش آیا۔ متاثرہ خاتون کی شناخت یاشیکا شکلا کے نام سے ہوئی، جو اپنی سوسائٹی کے مقررہ مقام پر کتوں کو کھانا کھلا رہی تھیں۔ اسی دوران وہاں مقیم کمل کھنّا نامی شخص آیا اور بار بار انہیں تھپڑ مارنے لگا۔ سوشل میڈیا پر وائرل ہونے والی ویڈیو میں دیکھا جا سکتا ہے کہ ملزم خاتون کے پیچھے چلتے ہوئے انہیں مسلسل تھپڑ مار رہا ہے، جبکہ خاتون خود کو بچانے کی کوشش کر رہی ہیں۔
A woman was feeding stray dogs on street in Brahmaputra Enclave, Ghaziabad.
In this video, we can see that a man was assaulting her. But he was also saying she hit him first.
Supreme court recently said that Dog Lovers under no condition shall feed stray dogs on the streets.… pic.twitter.com/uIDCt8LUeQ
— Incognito (@Incognito_qfs) August 23, 2025
ایک موقع پر ملزم نے ان کے دونوں ہاتھ بھی پکڑ لیے تاکہ وہ دفاع نہ کر سکیں۔ حیران کن طور پر کئی افراد موقع پر موجود تھے لیکن کسی نے مداخلت نہیں کی۔ پولیس نے ویڈیو کا نوٹس لیتے ہوئے فوری کارروائی کی اور کمل کھنّا کو گرفتار کر لیا۔ حکام کے مطابق معاملے کی مزید تفتیش جاری ہے۔
تازہ ترین خبروں کے لیے پی این آئی کا فیس بک پیج فالو کریں
