سعودی عرب کے شہر طائف میں ایک غیر معمولی اور متاثر کن واقعہ پیش آیا، جہاں پہلی بیوی نے اپنی سوکن کے لیے قربانی دے کر انسانیت کی اعلیٰ مثال قائم کردی۔
گلف نیوز کے مطابق ماجد بلدہ الروقی کی پہلی بیوی، نورا سالم الشمری، نے اپنی شوہر کی دوسری بیوی تغرید عوض السعدی کو جگر عطیہ کیا۔ تغرید طویل عرصے سے ڈائیلیسز پر تھیں اور گردوں کی خرابی کے باعث ان کا جگر بھی شدید متاثر ہوچکا تھا۔ شوہر ماجد نے بیوی کے علاج کے لیے امریکا تک کا سفر کیا، مگر کامیابی نہ ملی۔ بالآخر، پہلی بیوی نورا نے اللہ کی رضا کے لیے اپنا 80 فیصد جگر عطیہ کرنے کا فیصلہ کیا۔
ڈاکٹرز کے ٹیسٹ میں دونوں کا خون میچ ہوا، جس کے بعد کامیاب آپریشن کیا گیا اور تغرید کو نئی زندگی مل گئی۔
تازہ ترین خبروں کے لیے پی این آئی کا فیس بک پیج فالو کریں
