پراسرار وائرس پھیلنے لگا، پہلے ہاتھی اور اب دوسرے جانور مرنے لگے، دنیا کے پسماندہ ملکوں میں پریشانی پھیلنے لگی

زمبابوے (پی این آئی)پراسرار وائرس پھیلنے لگا، پہلے ہاتھی اور اب دوسرے جانور مرنے لگے، دنیا کے پسماندہ ملکوں میں پریشانی پھیلنے لگی، زمبابوے میں پراسرار وائرس پھیلنے سے ہاتھیوں کے بعد دیگر جانور اموات میں تیزی آگئی۔بین الاقوامی میڈیا رپورٹ کے مطابق زمبابوے میں ایسا وائرس پھیل رہا ہے جس

کی وجہ ہاتھیوں کی تیزی کے ساتھ اچانک اموات ہورہی ہیں، ڈاکٹرز تاحال بیماری کا سراغ لگانے میں ناکام ہیں۔رپورٹ کے مطابق ہاتھیوں کے بعد اب یہ وائرس دیگر جانوروں میں بھی پھیلنا شروع ہوگیا جس کی وجہ سے اب تک 12 جانور مرچکے ہیں جبکہ اگست سے اب تک 34 سے زائد ہاتھی ہلاک ہوچکے ہیں۔زمبابوے نیشنل پارک اور وائلڈ لائف مینیجمنٹ اتھارٹی کے ڈائریکٹرکا کہنا تھا کہ اب تک 34 کیسز سامنے آئے جبکہ ہمیں خدشہ ہے کہ متاثرہ جانوروں کی تعداد اس سے کہی زیادہ ہے۔انہوں نے بتایا کہ پہلا کیس 24 اگست کو رپورٹ ہوا، ایک ماہ کے دوران جانوروں کی ہلاکت ہمارے لیے تشویش کا باعث ہے کیونکہ جانوروں کی اس قدر تیزی سے اموات ہورہی ہیں جس کو روکنا ناممکن لگ رہا ہے۔انہوں نے بتایا کہ اب تک ڈاکٹرز اس نتیجے پر پہنچے کہ یہ ایک بیکٹیریا ہے جو پہلے ہاتھیوں میں تھا اور اب وہ دیگر جانوروں میں بھی منتقل ہورہا ہے۔