جو فیس ماسک نہیں پہنے گا اسے تین ماہ قید بامشقت کی سزا ملے گی، سکول کے طالب علم حکومتی احکامات پر عملدرآمد کی مہم چلائیں گے، تفصیلات جانیئے

پیانگ یانگ(پی این آئی)جو فیس ماسک نہیں پہنے گا اسے تین ماہ قید بامشقت کی سزا ملے گی، سکول کے طالب علم حکومتی احکامات پر عملدرآمد کی مہم چلائیں گے، تفصیلات جانیئے۔شمالی کوریا میں فیس ماسک نہ پہننے والے شہریوں کو سزا دینے کا فیصلہ کیا گیا ہے جس کے تحت احکامات کی خلاف ورزی پر تین ماہ کی

بامشقت سزا بھگتنی ہوگی۔تفصیلات کے ،مطابق شمالی کوریا کی حکومت نے ملک میں کورونا وائرس کو پھیلنے سے روکنے کیلئے حفاظتی اقدامات کے تحت فیس ماسک نہ پہہنے والوں کو متنبہ کیا ہے کہ جس شہری نے فیس ماسک نہ پہنا اسے تین ماہ کی قید بامشقت سزا کا سامنا کرنا پڑے گا۔ذرائع کے مطابق نئے احکامات ملک میں کورونا وائرس کے پھیلاؤ کو روکنے کے لئے کیے گئے اقدامات کا حصہ ہیں، اس حوالے سے حکومتی عہدیداران نے میڈیا کو بتایا کہ اس مقصد کیلئے اسکول اور کالج کے طلباء کو ذمہ داریاں دی جائیں گی۔ایک مہم کے تحت وہ مختلف علاقوں میں ڈیوٹیاں دے کر اس پابندی پر سختی سے عمل درآمد کروائیں اور فیس ماسک نہ پہننے والے شہریوں کی شکایت متعلقہ محمکے کو کریں۔ایک خبر رساں ادارے سے گفتگو کرتے ہوئے شمالی کوریا کے ایک عہدیدار نے کہا کہ اس سلسلے میں پیانگ یانگ میں اور دیگر شہروں میں پولیس افسران اور کالج اور ہائی اسکول کے طلباء کے ساتھ ایک معائنہ ٹیم تشکیل دی گئی ہے جو ان افراد کے خلاف سخت کارروائی کرے گی جو ماسک نہیں پہنتے۔انہوں نے کہا کہ جو شخص بھی ماسک نہیں پہنے گا اسے تین مہینے سے زیادہ کی سزا بھی دی جائے گی قطع نظر اس کے کہ وہ کون ہے، اس میں کسی قسم کی کوئی رعایت نہیں دی جائے گی۔ماہ اپریل میں میڈیا رپورٹ کے مطابق حکومتی عہدیداران نے ایک عوامی اجتماع میں شہریوں کے سامنے انکشاف کیا تھا کہ مارچ کے آخر میں ہی شمالی کوریا میں کورونا وائرس کے کیسز کی تصدیق ہوچکی ہے۔اس کے علاوہ غیر ملکی ماہرین نے شمالی کوریا میں کورونا وائرس کے کیسز نہ ہونے کے دعوے پر شک کا اظہار کیا ہے۔شمالی کوریا نے باضابطہ طور پر کورونا وائرس کا کوئی کیس درج نہیں کیا ہے لیکن حکومت نے احتیاطی تدابیر اختیار کرتے ہوئے عوامی اجتماعات پر پابندی اور فیس ماسک پہننے کے احکامات سمیت وبا کی روک تھام کے لیے سخت اقدامات اٹھائے ہیں۔۔۔۔۔۔۔۔۔۔۔۔۔۔۔۔۔