کراچی: ملک بھر میں سونے کی قیمتوں میں کمی کا سلسلہ دوسرے روز بھی جاری ہے، جس کے باعث خریداروں میں دلچسپی بڑھنے لگی ہے۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 600 روپے سستا ہو کر 4 لاکھ 81 ہزار 862 روپے کی سطح پر آ گیا ہے۔ اسی طرح 10 گرام سونے کی قیمت میں بھی 515 روپے کی کمی ریکارڈ کی گئی، جس کے بعد نئی قیمت 4 لاکھ 13 ہزار 118 روپے مقرر ہوئی ہے۔ دوسری جانب عالمی مارکیٹ میں سونے کی قیمت 6 ڈالر کمی کے بعد 4595 ڈالر فی اونس پر پہنچ گئی ہے۔
تازہ ترین خبروں کے لیے پی این آئی کا فیس بک پیج فالو کریں
