ملک بھر میں سونے کی قیمتوں میں اضافے کا سلسلہ تھمنے کا نام نہیں لے رہا۔ آج ایک بار پھر سونے کی قیمت میں نمایاں اضافہ ریکارڈ کیا گیا، جس کے بعد نرخ نئی تاریخی بلندی پر پہنچ گئے۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 4300 روپے مہنگا ہو کر 4 لاکھ 86 ہزار 162 روپے میں فروخت ہوا۔ اسی طرح 10 گرام سونے کی قیمت میں 3687 روپے کا اضافہ ہوا، جس کے بعد اس کی نئی قیمت 4 لاکھ 16 ہزار 805 روپے ہو گئی۔ دوسری جانب عالمی مارکیٹ میں بھی سونے کی قیمتوں میں تیزی دیکھی گئی، جہاں فی اونس سونا 43 ڈالر اضافے کے بعد 4 ہزار 638 ڈالر تک جا پہنچا۔ ماہرین کے مطابق عالمی معاشی بے یقینی اور سرمایہ کاروں کے بڑھتے رجحان نے سونے کی قیمتوں کو نئی بلندیوں تک پہنچا دیا ہے۔
تازہ ترین خبروں کے لیے پی این آئی کا فیس بک پیج فالو کریں
