کراچی: ملک بھر میں سونے کی قیمتوں میں آج بھی نمایاں اضافہ ریکارڈ کیا گیا ہے، جس کے باعث خریدار ایک بار پھر تشویش میں مبتلا ہو گئے ہیں۔
آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 3 ہزار 400 روپے کا اضافہ ہوا ہے، جس کے بعد نئی قیمت 4 لاکھ 69 ہزار 562 روپے تک پہنچ گئی ہے۔ اسی طرح 10 گرام سونے کا بھاؤ بھی 2 ہزار 915 روپے بڑھ کر 4 لاکھ 2 ہزار 573 روپے ہو گیا ہے۔ دوسری جانب عالمی منڈی میں بھی سونے کی قیمت میں تیزی دیکھی گئی، جہاں فی اونس سونا 34 ڈالر اضافے کے بعد 4 ہزار 472 ڈالر پر جا پہنچا ہے۔
تازہ ترین خبروں کے لیے پی این آئی کا فیس بک پیج فالو کریں
