ملک بھر میں سونے کی قیمتوں میں غیر معمولی اضافہ ریکارڈ کیا گیا ہے، جس کے باعث خریدار اور سرمایہ کار دونوں حیران رہ گئے ہیں۔ ایک ہی دن میں فی تولہ سونا 9 ہزار 200 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد ملک میں فی تولہ سونے کی قیمت بڑھ کر 4 لاکھ 64 ہزار 762 روپے تک پہنچ گئی ہے۔ اسی طرح 10 گرام سونے کی قیمت میں بھی نمایاں اضافہ دیکھنے میں آیا ہے، جو 7 ہزار 888 روپے اضافے کے بعد 3 لاکھ 98 ہزار 458 روپے ہو گئی۔ ایسوسی ایشن کا کہنا ہے کہ عالمی مارکیٹ میں بھی سونے کی قیمتوں میں تیزی دیکھی گئی ہے، جہاں فی اونس سونا 92 ڈالر بڑھ کر 4 ہزار 424 ڈالر کی سطح پر پہنچ گیا ہے۔
تازہ ترین خبروں کے لیے پی این آئی کا فیس بک پیج فالو کریں
