پاکستان میں سونے کی قیمتوں میں اضافے کا سلسلہ تھمنے کا نام نہیں لے رہا۔ آج بھی فی تولہ سونے کی قیمت میں 2 ہزار روپے کا نمایاں اضافہ ریکارڈ کیا گیا ہے۔
آل پاکستان جیمز اینڈ جیولرز ایسوسی ایشن کے مطابق اضافے کے بعد فی تولہ سونا 4 لاکھ 72 ہزار 862 روپے کی سطح پر پہنچ گیا ہے۔ اسی طرح دس گرام سونے کی قیمت میں بھی 1714 روپے کا اضافہ ہوا، جس کے بعد نئی قیمت 4 لاکھ 5 ہزار 402 روپے ہو گئی ہے۔ اعداد و شمار کے مطابق رواں سال کے آغاز سے اب تک پاکستان میں فی تولہ سونے کی قیمت میں مجموعی طور پر 2 لاکھ 262 روپے کا اضافہ ہو چکا ہے، جس نے خریداروں اور سرمایہ کاروں دونوں کو حیرت میں ڈال دیا ہے۔
تازہ ترین خبروں کے لیے پی این آئی کا فیس بک پیج فالو کریں
