عالمی بینک نے پاکستان کے لیے 700 ملین ڈالر کی فنانسنگ کی منظوری دے دی ہے، جو پاکستان پبلک ریسورسز فار انکلوژو ڈیولپمنٹ پروگرام کے تحت فراہم کی جا رہی ہے۔ اس پروگرام کا مقصد ملک میں میکرو اکنامک استحکام کو مضبوط بنانا اور عوامی خدمات کے معیار کو بہتر بنانا ہے۔
عالمی بینک کے مطابق اس پروگرام کے تحت مجموعی طور پر 1.35 ارب ڈالر تک فنانسنگ فراہم کی جائے گی۔ ابتدائی مرحلے میں 600 ملین ڈالر وفاقی حکومت جبکہ 100 ملین ڈالر صوبہ سندھ کے لیے مختص کیے گئے ہیں۔ تاہم فنڈز کی فراہمی حکومت کی جانب سے طے شدہ اصلاحاتی اہداف کے بروقت حصول سے مشروط ہوگی۔ بینک کا کہنا ہے کہ پروگرام کی توجہ ٹیکس نظام کی بہتری، شفاف مالی نظم و نسق اور ڈیجیٹل ڈیٹا و مالیاتی نظام کو جدید خطوط پر استوار کرنے پر مرکوز ہے، تاکہ عوام کو فراہم کی جانے والی خدمات میں نمایاں بہتری لائی جا سکے۔
یہ پروگرام آئی ایم ایف کے ایکسٹینڈڈ فنڈ فیسلٹی پروگرام سے ہم آہنگ ہے۔ اس کے تحت سندھ میں صحت اور تعلیم کے شعبوں کے لیے وسائل میں اضافے کی توقع ہے، جبکہ مجموعی اصلاحات سے شفافیت میں اضافہ اور عوامی اعتماد کی بحالی ممکن ہو سکے گی۔
تازہ ترین خبروں کے لیے پی این آئی کا فیس بک پیج فالو کریں
