ملک میں سونے کی قیمت ایک بار پھر اوپر جانے لگی ہے، اور آج فی تولہ 1600 روپے کا نمایاں اضافہ ریکارڈ کیا گیا ہے۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد فی تولہ سونا بڑھ کر 4 لاکھ 43 ہزار 762 روپے تک جا پہنچا ہے۔ اسی طرح 10 گرام سونے کی قیمت میں بھی 1372 روپے کا اضافہ ہوا، جس کے بعد نئی قیمت 3 لاکھ 80 ہزار 454 روپے ہو گئی ہے۔ عالمی مارکیٹ میں بھی سونے کی قدر میں اضافہ برقرار ہے، جہاں آج قیمت 16 ڈالر بڑھ کر 4 ہزار 214 ڈالر فی اونس تک پہنچ گئی۔
تازہ ترین خبروں کے لیے پی این آئی کا فیس بک پیج فالو کریں
