بھارتی بزنس ٹائیکون انیل امبانی کی جائیدادیں طویل عرصے سے اینٹی کرائم ایجنسیوں کی نگرانی میں رہنے کے بعد آخرکار ضبط کر لی گئیں۔ بھارت کی مالیاتی جرائم سے نمٹنے والی ایجنسی انفورسمنٹ ڈائریکٹوریٹ نے انیل امبانی گروپ سے منسلک اداروں کی تقریباً 30 ارب بھارتی روپے مالیت کی 40 سے زائد جائیدادوں کو ضبط کیا ہے۔
سرکاری ذرائع کے مطابق یہ کارروائی مبینہ مالی بے ضابطگیوں کی تحقیقات کے سلسلے میں کی گئی ہے، تاہم ایجنسی کی جانب سے ابھی تک کوئی باضابطہ بیان جاری نہیں کیا گیا۔
رپورٹس کے مطابق ضبط شدہ جائیدادوں میں رہائشی اور تجارتی عمارتیں، پلاٹ اور کمپنی کی سرمایہ کاری سے متعلق دیگر اثاثے شامل ہیں۔
تازہ ترین خبروں کے لیے پی این آئی کا فیس بک پیج فالو کریں
