اسلام آباد: روسی تیل کمپنیوں پر امریکا کی نئی پابندیوں کے بعد یکم نومبر سے ملک میں پیٹرولیم مصنوعات کی قیمتوں میں اضافہ متوقع ہے۔
ذرائع کے مطابق، پیٹرول کی قیمت میں 1 روپے 48 پیسے اور مٹی کے تیل میں 2 روپے 34 پیسے فی لیٹر تک اضافے کا امکان ہے۔ اگر موجودہ عالمی رجحان برقرار رہا تو یکم نومبر سے پیٹرول 264 روپے 50 پیسے، ہائی اسپیڈ ڈیزل 276 روپے 80 پیسے، مٹی کا تیل 184 روپے 05 پیسے، جبکہ لائٹ ڈیزل 163 روپے 25 پیسے فی لیٹر تک پہنچ سکتا ہے۔
پیٹرولیم مصنوعات کی نئی قیمتوں کا حتمی اعلان 31 اکتوبر کی شام، 15 روزہ درآمدی لاگت اور زرمبادلہ کے اعداد و شمار کا جائزہ مکمل ہونے کے بعد کیا جائے گا۔ ماہرین کے مطابق، قیمتوں میں ممکنہ اضافہ عالمی منڈی میں تیل کی قیمتوں کے اتار چڑھاؤ اور روسی کمپنیوں پر امریکی پابندیوں کے اثرات کا نتیجہ ہے۔
تازہ ترین خبروں کے لیے پی این آئی کا فیس بک پیج فالو کریں
