وفاقی ادارہ شماریات نے ملک میں مہنگائی سے متعلق تازہ ترین ہفتہ وار رپورٹ جاری کردی ہے۔ رپورٹ کے مطابق گزشتہ ہفتے کے دوران مہنگائی میں مزید 0.22 فیصد اضافہ ریکارڈ کیا گیا، جس کے بعد سالانہ مجموعی شرح 5.03 فیصد تک پہنچ گئی ہے۔
اعداد و شمار کے مطابق ایک ہفتے کے دوران 20 ضروری اشیاء کی قیمتوں میں اضافہ، 6 کی قیمتوں میں کمی جبکہ 25 اشیاء کی قیمتیں مستحکم رہیں۔ رپورٹ میں بتایا گیا ہے کہ پیاز 5.62 فیصد، انرجی سیور 2.51 فیصد، انڈے 2.38 فیصد اور چینی 2.04 فیصد مہنگی ہوئی، جب کہ کوکنگ آئل، لہسن اور بیف سمیت دیگر اشیاء کی قیمتوں میں بھی اضافہ دیکھا گیا۔
ادارہ شماریات کے مطابق چکن 2.51 فیصد اور چاول 1.19 فیصد سستے ہوئے، جب کہ دالوں، آٹے اور ایل پی جی کی قیمتوں میں بھی کمی ریکارڈ کی گئی۔
رپورٹ میں بتایا گیا ہے کہ ملک میں ٹماٹر کی اوسط قیمت 329 روپے 45 پیسے فی کلو تک پہنچ گئی، جو گزشتہ ہفتے 328 روپے 53 پیسے فی کلو تھی، جبکہ زیادہ سے زیادہ قیمت 400 روپے فی کلو تک ریکارڈ کی گئی۔
تازہ ترین خبروں کے لیے پی این آئی کا فیس بک پیج فالو کریں
