لاہور: تندور مالکان نے نان اور خمیری روٹی کی قیمت میں 5 روپے کا اضافہ کرتے ہوئے نئی قیمت 30 روپے مقرر کر دی ہے۔
متحدہ نان روٹی ایسوسی ایشن کے صدر آفتاب اسلم گل کے مطابق فائن آٹے کی قیمت میں نمایاں اضافہ ہونے کے باعث نان اور خمیری روٹی کی قیمت بڑھائی گئی ہے۔ ان کا کہنا ہے کہ فائن آٹے کی فی بوری 4500 سے 5000 روپے تک مہنگی ہوچکی ہے۔ آفتاب اسلم گل نے وضاحت کی کہ پنجاب حکومت نے فائن آٹے کی قیمتوں میں اضافے سے لاتعلقی ظاہر کی ہے، اسی لیے تندور مالکان نے مجبوری میں قیمتیں بڑھائی ہیں۔
انہوں نے مزید کہا کہ سادہ روٹی اب بھی 14 روپے میں فروخت کی جا رہی ہے، اور اگر فائن آٹا دوبارہ پرانی قیمت پر فراہم کیا گیا تو نان اور خمیری روٹی کی قیمتوں میں بھی کمی کی جائے گی۔
تازہ ترین خبروں کے لیے پی این آئی کا فیس بک پیج فالو کریں
