انٹربینک اور اوپن مارکیٹ میں روپے کے مقابلے میں ڈالر کی قدر میں کمی کا رجحان برقرار ہے۔
اسٹیٹ بینک آف پاکستان کے مطابق، کاروباری ہفتے کے آخری روز انٹربینک میں ڈالر کی قیمت میں 2 پیسے کی کمی ریکارڈ کی گئی، جس کے بعد ڈالر کی قدر 281.92 روپے سے گھٹ کر 281.90 روپے پر بند ہوئی۔
اوپن مارکیٹ میں بھی ڈالر کی قیمت میں 10 پیسے کمی واقع ہوئی، جس کے بعد وہ 284.10 روپے پر آ گیا۔ اسی طرح یورو 1.69 روپے سستا ہو کر 329.18 روپے، برطانوی پاؤنڈ 2.03 روپے کمی کے بعد 380.70 روپے، اور درہم 5 پیسے کمی کے ساتھ 77.35 روپے پر پہنچ گیا۔ جبکہ سعودی ریال کی قیمت 75.65 روپے پر مستحکم رہی۔
تازہ ترین خبروں کے لیے پی این آئی کا فیس بک پیج فالو کریں
