ریلوے انکوائری کے مطابق مختلف ٹرینیں طویل تاخیر کا شکار رہیں، جس کے باعث مسافروں کو شدید مشکلات کا سامنا کرنا پڑا۔ کراچی ایکسپریس چار گھنٹے پندرہ منٹ تاخیر سے پہنچی، پاک بزنس اڑھائی گھنٹے، شاہ حسین ایکسپریس، جعفر ایکسپریس اور تیزگام دو، دو گھنٹے جبکہ عوام ایکسپریس ایک گھنٹہ بیس منٹ اور کراچی ایکسپریس ایک گھنٹہ دس منٹ تاخیر سے روانہ یا پہنچیں۔
ادھر علامہ اقبال انٹرنیشنل ایئرپورٹ لاہور پر دھند کے باعث فلائٹ آپریشن شدید متاثر ہوا۔ ایئرپورٹ فلائٹ انکوائری کے مطابق لاہور آنے اور جانے والی دس پروازیں منسوخ جبکہ پانچ پروازیں تاخیر کا شکار ہوئیں۔
منسوخ ہونے والی پروازوں میں دبئی سے آنے اور جانے والی پی اے 416 اور پی اے 417، ریاض کی ایکس وائے 317 اور ایکس وائے 318، ابوظہبی کی ای وائے 241، اور کراچی کی پی کے 306 اور پی کے 307 شامل ہیں۔
اس کے علاوہ لندن سے آنے والی برٹش ایئرویز کی پرواز بی اے 259 تین گھنٹے تاخیر سے لاہور پہنچی، جبکہ استنبول سے آنے والی پرواز ٹی کے 714 دو گھنٹے تاخیر کا شکار رہی۔
تازہ ترین خبروں کے لیے پی این آئی کا فیس بک پیج فالو کریں
