مقامی اور عالمی مارکیٹ میں سونے کی قیمت میں نمایاں کمی ریکارڈ کی گئی ہے، فی تولہ سونا 3600 روپے جبکہ عالمی مارکیٹ میں فی اونس سونا 36 ڈالر سستا ہوگیا۔
نجی ٹی وی سما نیوز کے مطابق آل پاکستان صراف اینڈ جیولرز ایسوسی ایشن کے جاری کردہ اعداد و شمار کے مطابق پاکستان میں فی تولہ سونا 3600 روپے کی کمی کے بعد نئی قیمت 3 لاکھ 58 ہزار 800 روپے ہو گئی، جبکہ 10 گرام سونا 3086 روپے سستا ہو کر 3 لاکھ 7 ہزار 613 روپے پر آ گیا۔
عالمی مارکیٹ میں بھی سونے کی قیمت میں 36 ڈالر کی کمی ریکارڈ کی گئی، جس کے بعد فی اونس سونا 3361 ڈالر پر آ گیا۔
ایسوسی ایشن کے مطابق پاکستان میں چاندی کی قیمت میں بھی 51 روپے کی کمی ہوئی، جس سے نئی قیمت 4013 روپے فی تولہ ہو گئی، جبکہ عالمی مارکیٹ میں فی اونس چاندی کی قیمت 0.51 ڈالر کم ہو کر 37.80 ڈالر رہ گئی۔
تازہ ترین خبروں کے لیے پی این آئی کا فیس بک پیج فالو کریں
