اوپیک پلس کی جانب سے ستمبر میں خام تیل کی یومیہ پیداوار میں 5 لاکھ 47 ہزار بیرل اضافے کے فیصلے کے بعد عالمی منڈی میں خام تیل کی قیمتوں میں کمی ریکارڈ کی گئی۔
پیر کے روز کاروباری سرگرمیوں کے دوران برینٹ کروڈ کی قیمت 18 سینٹ یعنی 0.26 فیصد کمی کے بعد 69.49 ڈالر فی بیرل پر آ گئی، جبکہ ویسٹ ٹیکساس انٹرمیڈیٹ (WTI) 12 سینٹ یا 0.18 فیصد کمی کے ساتھ 67.21 ڈالر فی بیرل پر ٹریڈ ہوا۔ واضح رہے کہ دونوں بینچ مارک کنٹریکٹس جمعہ کے روز تقریباً 2 ڈالر فی بیرل کی کمی کے ساتھ بند ہوئے تھے۔
اوپیک اور اس کے اتحادی ممالک (اوپیک پلس) نے اتوار کو ستمبر میں پیداوار بڑھانے کا فیصلہ کیا تاکہ عالمی مارکیٹ میں اپنا حصہ برقرار رکھا جا سکے۔
ماہرین کے مطابق اگرچہ پیداواری اضافے کا اعلان 5.47 لاکھ بیرل یومیہ کا ہے، لیکن عملی طور پر یہ اضافہ 1.7 ملین بیرل یومیہ تک محدود رہنے کا امکان ہے، کیونکہ کچھ رکن ممالک گزشتہ اضافوں کے بعد اب اپنی پیداوار کم کر چکے ہیں۔
تازہ ترین خبروں کے لیے پی این آئی کا فیس بک پیج فالو کریں
