کراچی میں مرغی کا گوشت سستا نہیں ہوسکا۔سرکاری ریٹ ہوا میں اُڑادیئے گئے۔ شہرقائد میں مرغی کا گوشت 650 روپے کے بجائے 780 روپے کلو میں فروخت ہونے لگا۔
نجی ٹی وی کے مطابق سرکاری نرخ پر عملدرآمد کے دعوے ہوئے، جرمانے بھی کیے گئے لیکن سب بے اثر رہے۔ کراچی میں مرغی کا گوشت سستا نہ ہوسکا۔
سرکاری لسٹ کے مطابق مرغی کا گوشت 650 روپے کلو ہونا چاہیے لیکن 750 سے 780 روپے کلو میں فروخت جاری ہے۔
رواں ماہ کے دوران مرغی کے گوشت کی فی کلو قیمت میں ڈیڑھ سو روپے سے زائد کا اضافہ ہوچکا ہے۔ خریدار شکوہ کررہے ہیں کہ انتظامیہ پرائس کنٹرول میں کہیں نظر نہیں آتی۔
تازہ ترین خبروں کے لیے پی این آئی کا فیس بک پیج فالو کریں
