اسلام آباد(پی این آئی) ملک میں ٹیکسز بڑھانے کی آئی ایم ایف کی شرائط کے باعث عوام پر مہنگائی کے شدید اثرات پڑے ہیں، اگرچہ شرح سود میں کمی اور حکومتی پالیسیوں کے باعث مہنگائی کی شدت میں کمی ہوئی ہے۔
سالانہ بنیادوں پر مہنگائی بڑھنے کی شرح 1.21 فیصد ریکارڈ کی گئی۔ ہفتہ وار بنیادوں پر 11 اشیاء کی قیمتوں میں اضافہ ہوگیا ہے۔تفصیلات کے مطابق وفاقی ادارہ شماریات نے ہفتہ وار مہنگائی کے اعدادوشمار جاری کردیئے، جس کے تحت ہفتہ وار بنیادوں پر مہنگائی کی شرح میں 0.27 فیصد اضافہ ہوا ہے۔ رواں ہفتے 16 اشیاء کی قیمتوں میں کمی جبکہ 24 اشیاء کی قیمتیں مستحکم رہیں۔ ادارہ شماریا ت کی جانب سے جاری اعداد وشمار کے مطابق پچھلے ایک ہفتے میں انڈے فی درجن 20 روپے، زندہ مرغی فی کلو 20 روپے اور لہسن کی فی کلو قیمت میں 8 روپے اضافہ ہوا ہے۔
اسی طرح چینی کی فی کلو قیمت میں مزید ایک روپے تک کا اضافہ ہوگیا ہے۔ ایک ہفتے 16 اشیاء کی قیمتوں میں کمی ہوئی۔ جس کے تحت ٹماٹر فی کلو ایک روپے 58 پیسے، پیاز فی کلو ایک روپے اور دال چنا کی فی کلو قیمت میں 4 روپے کمی ہوئی۔ دال ماش کی فی کلو قیمت میں 3 روپے تک اور ایل پی جی کے گھریلو سلنڈر کی قیمت میں 18 روپے تک کمی ریکارڈ کی گئی۔
تازہ ترین خبروں کے لیے پی این آئی کا فیس بک پیج فالو کریں
