کراچی: کمشنر کراچی سید حسن نقوی نے 2 ہفتوں کے دوران آٹے کی قیمتوں میں ایک بار پھر کمی کرنے کا اعلان کر دیا۔
چکی کا آٹا 10 روپے سستا ہو کر فی کلو 105 روپے کا ہوگیا جبکہ ہول سیل میں فائن آٹا 3 روپے سستا ہو کر 92 روپے فی کلو مقرر کر دیا گیا۔
ریٹیل میں فائن آٹے کی قیمت میں 3 روپے کمی ہوئی جس کے بعد یہ 96 روپے فی کلو ہوگیا۔ ڈھائی نمبر آٹا 5 روپے سستا ہو کر ہول سیل میں قیمت 85 روپے کلو ہوگئی، ڈھائی نمبر آٹے کی قیمت ریٹیل میں 89 روپے فی کلو مقرر ہے۔
17 دسمبر کو کمشنر کراچی سید حسن نقوی نے ڈھائی نمبر آٹے کی ریٹیل قیمت 94 روپے فی کلو مقرر کی تھی۔ جاری کردہ نوٹیفکیشن میں بتایا گیا تھا کہ ڈھائی نمبر آٹے کی ہول سیل قیمت 90 روپے فی کلو مقرر کی گئی۔
ایکس فلور ملز کیلیے ڈھائی نمبر آٹے کی قیمت 87 روپے فی کلو جبکہ فائن چکی کے آٹے کی فی کلو ایکس مل قیمت 92 روپے مقرر کی گئی تھی۔
نوٹیفکیشن میں بتایا گیا تھا کہ ہول سیل فائن آٹے کی قیمت 95 روپے فی کلو جبکہ ریٹیل فائن آٹے کی قیمت 99 روپے فی کلو میں فروخت کیا جائے گا۔
چکی کے آٹے کی قیمت فی کلو 115 روپے مقرر کی گئی تھی۔
تازہ ترین خبروں کے لیے پی این آئی کا فیس بک پیج فالو کریں
