لاہور(پی این آئی)ملک میں بیٹریوں اور سولر پیننلز کی طلب میں کمی کے باعث قیمتوں میں ریکارڈ کمی دیکھی گئی ہے۔
نجی ٹی وی جیونیوز نے مارکیٹ ذرائع سے دعویٰ کیاہے کہ سولر پینل کی قیمتوں میں غیر معمولی کمی کے ساتھ سولر بیٹریوں کی قیمتوں میں قابل ذکر کمی سامنے آئی ہے۔سولر بیٹری کی قیمت 20فیصد تک کم ہونے کے بعد ساڑھے 4لاکھ روپے والی لیتھیم سولر بیٹری اب 3 لاکھ 80 ہزار روپے میں دستیاب ہے، جو بیٹری 3یا 4 لاکھ روپے میں فروخت ہو رہی تھی اس کی قیمت اب 2 سے ڈھائی لاکھ روپے ہو گئی۔
ذرائع کے مطابق لیتھیم بیٹریوں کی انڈسٹری میں نئی کمپنیاں آگئی ہیں جواچھی پیشکش کررہی ہیں۔تاجروں کے مطابق سولر پینلز سمیت سولر بیٹریوں کی خرید و فروخت شدید متاثر ہوئی ہے جس کی وجہ سے سولر مصنوعات کی قیمتوں میں تاریخی کمی واقع ہوئی ہے
تازہ ترین خبروں کے لیے پی این آئی کا فیس بک پیج فالو کریں
