واشنگٹن (پی این آئی) امریکی معاشی جریدے بلومبرگ کا کہنا ہے کہ پاکستان کے ڈیفالٹ کا خطرہ ٹل چکا ہے، نئی حکومت آئی ایم ایف سے نیا معاہدہ کر سکتی ہے۔
بلومبرگ کی رپورٹ کے مطابق رواں سال جنوری میں پاکستانی بانڈ کی قدر 9 فیصد مستحکم ہوئی ہے جبکہ گزشتہ سال پاکستان نے سرمایہ کاروں کو تقریباً 100 فیصد منافع واپس کیا۔رپورٹ میں کہا گیا ہے کہ آئندہ مالی سال کے دوران پاکستان کو 25 ارب ڈالرز کے بیرونی قرضوں کی ادائیگیاں کرنی ہیں۔ یہ پاکستان کےغیر ملکی زرمبادلہ کے ذخائر سےتقریباً 3 گنا زیادہ ہے۔ بلوم برگ کے مطابق آئندہ مالی سال کے دوران ان ادائیگیوں کا اثر زرمبادلہ ذخائر پر پڑے گا۔ پاکستان کا آئی ایم ایف پروگرام مارچ میں ختم ہو رہا ہے، پاکستان کی معیشت نئے بیل آؤٹ پیکج کے بغیر گر جائے گی۔رپورٹ میں مزید بتایا گیا ہے کہ نئی حکومت آئی ایم ایف سے جاری معاہدہ ختم ہونے کے بعد نیا معاہدہ کر سکتی ہے۔ سرمایہ کار عالمی مالیاتی ادارے سے معاہدے کیلئے نئے سربراہ کا انتظار کر رہے ہیں۔
تازہ ترین خبروں کے لیے پی این آئی کا فیس بک پیج فالو کریں
