ایشیائی ترقیاتی بینک کی جانب سے پاکستان کیلئے بڑی خبر آگئی

اسلام آباد(پی این آئی) ایشیائی ترقیاتی بینک نے پاکستان میں پائیدار ترقی کیلئے 65 کروڑ 90 لاکھ ڈالرز کے فنڈز منظور کرلئے۔
تفصیلات کے مطابق ایشیائی ترقیاتی بینک کی جانب سےپاکستان کیلئے بڑی خبر آگئی،ایشیائی ترقیاتی بینک نے پاکستان میں پائیدار ترقی کیلئے 65 کروڑ 90 لاکھ ڈالر منظور کرلئے۔
اے ڈی بی کے ڈائریکٹر جنرل یوگینی زوکوف کا کہنا ہے کہ فنڈسے پاکستان کو دوہزار بائیس کے دوران مہنگائی اورسپر فلڈکےاثرات سے نکلنےمیں مددملےگی۔

اے ڈی بی کی جانب سے اعلامیے میں کہا گیا ہے کہ ایشیائی ترقیاتی بینک نے تین منصوبوں کی رواں ہفتے منظوری دی ہے، پینسٹھ کروڑ 90 لاکھ ڈالر میں سے 65 کروڑ 52 لاکھ ڈالر قرض ہے۔
تیس کروڑ ڈالر وسائل کو متحرک کرنے اوراستعمال کو بہترکرنے میں مدد دیں گے جبکہ سندھ سیکنڈری ایجوکیشن امپروومنٹ منصوبےکو ستائیس کروڑ پچاس لاکھ ڈالر ملیں گے، جس سے سیلاب سے تباہ شدہ سولہ سواسکولوں کی تعمیرنو میں مدد ملے گی۔
سندھ کو آٹھ لاکھ ڈالر تکنیکی گرانٹ فراہم کی جائے گی، جس کی نگرانی بھی کی جائےگی جبکہ کےپی فوڈ سیکیورٹی سپورٹ پروجیکٹ کیلئے آٹھ کروڑ ڈالردیے جائیں گے۔
جاپان فنڈ سے کےپی میں خواتین کاشتکاروں کو تیس لاکھ ڈالر ملیں گے، سندھ کے ساڑھے ستائیس کروڑ ڈالرز اور کے پی کے آٹھ کروڑ ڈالرز اے ڈی بی سے ڈیڑھ ارب ڈالر کے منظور شدہ قرض کا حصہ ہیں۔