بجلی کی فی یونٹ قیمت کتنی ہوگئی؟ ہوشربا تفصیلات آگئیں

لاہور (پی این آئی) بجلی کی فی یونٹ قیمت 65 روپے ہو گئی، بجلی صارفین سے اضافی قیمت بقایا جات کی صورت میں وصول کرنا شروع کر دی گئی۔تفصیلات کے مطابق بجلی کی فی یونٹ قیمت 65 روپے تک پہنچ گئی ہے۔

بتایا گیا ہے کہ لیسکو نے اضافی قیمت بقایاجات کی صورت میں وصول کرنا شروع کر دی ۔صارفین کو12سے19روز کے اضافی بلز چارج کئے گئے جبکہ اضافی بلز 7روپے فی یونٹ کے حساب سےبھجوائےگئے قیمتوں میں اضافے پرعملدرآمدیکم جولائی سے کیا گیا،رواں ماہ کےبلوں میں گزشتہ ماہ کا اضافی بل بھی شامل کیاگیا۔100یونٹ تک نان پروٹیکٹڈصارفین سے22 روپے فی یونٹ چارج کیا گیا۔101یونٹ سے 200یونٹ تک استعمال پرتقریباً32روپے فی یونٹ چارج کیا گیا۔201سے 300یونٹس تک استعمال پر قیمت تقریباً 37 روپے فی یونٹ ہو گئی۔301سے 400 یونٹس تک تقریباً 43روپے فی یونٹ قیمت چارج ہونے لگی۔ 401سے 500یونٹ تک تقریباً 47 روپے فی یونٹ کےحساب سے بل چارج کئےگئے۔501یونٹ سے 600یونٹ تک 49 روپے فی یونٹ کے حساب سے بل آنے لگے۔601سے 700یونٹس تک تقریباً 52 روپے فی یونٹ کے حساب سے بل چارج کئے گئے۔700یونٹ سے زائداستعمال پرصارفین کو ٹیکسز شامل ہونےپر65 روپے فی یونٹ چارج ہوگا۔