اسلام آباد(پی این آئی)عالمی مالیاتی فنڈ (آئی ایم ایف) نے قرض پروگرام بحال کرنے کےلئے پاکستان کے سامنے نئی شرط رکھ دی ہے۔نجی ٹی وی کے مطابق آئی ایم ایف نے قرض پروگرام کی بحالی کے لیے سخت شرط رکھی ہے جس کے تحت حکومت نے جن اشیا پر ٹیکس چھوٹ دے رکھی ہے ، ان پر بھی 17 فیصد سیلز ٹیکس لگانا ہوگا۔آئی ایم ایف کی نئی شرط کے تحت موبائل فونز پر بھی سیلز ٹیکس کی شرح 17 فیصد تک کیے جانےکا امکان ہے۔
ذرائع کے مطابق آئی ایم ایف کی ڈیمانڈ پر حکومت نے 330 ارب روپےکا سیلز ٹیکس استثنا ختم کرنے کی تیاری کرلی ہے جبکہ سیلز ٹیکس پر یہ چھوٹ ختم کرنے کے لیے صدارتی آرڈیننس لایا جائے گا۔دوسر ی جانب واشنگٹن میں وفاقی وزیر خزانہ شوکت ترین نے امریکی تھینک ٹینک میں گفتگو کرتے ہوئے امید ظاہرکی کہ آئی ایم ایف کی طرف سے چھٹی قسط جلد مل جائے گی،اب تک آئی ایم ایف کے ساتھ تکنیکی میٹنگ مکمل ہو چکی ہیں۔
تازہ ترین خبروں کے لیے پی این آئی کا فیس بک پیج فالو کریں
