بینڈ باجے کی کر لو تیاری، شادی ہال کھول دئیے گئے

کراچی (پی این آئی) کورونا وائرس کے باعث کئی ماہ سے بند شادی ہالز کھول دیے گئے ہیں۔ اس حوالے سے ملک بھر میں پابندیاں نرم کرنے کا عمل شروع ہو چکا ہے۔ کراچی کے مختلف علاقوں فیڈرل بی ایریا، نارتھ ناظم آباد ، واٹر پمپ پر شادی ہال کھل گئے ہیں جبکہ گلشن اقبال، گلستان جوہر، کورنگی، اورنگی ٹاؤن، شاہ فیصل کالونی، ماڈل کالونی میں بھی شادی ہال کھول دیے گئے۔ سرجانی ٹاؤن اور نارتھ کراچی میں بھی شادی ہال کھول دیے گئے ہیں۔شادی ہال کھولنے پر مالکان کی جانب سے مٹھائی بانٹی گئی۔ خیال رہے کہ گزشتہ دنوں شادی ہالز مالکان نے 21 جون سے ہالز کھولنے کا اعلان کیا تھا۔۔۔۔

پی آئی اے پر بکنگ شروع،پاکستان پر عائد سفری پابندیاں ختم کر دی گئیں

ٹورنٹو (پی این آئی) کینیڈا نے پاکستان پر عائد سفری پابندیاں ختم کردیں۔ کینیڈا کے وزیر ٹرانسپورٹ کی طرف سے کیے گئے اعلان کے مطابق کینیڈا اور پاکستان کے درمیان پی آئی اے کی فلائٹس بھی بحال کردی گئی ہیں تاہم بھارت پر سفری پابندیاں برقرار رہیں گی۔ دوسری جانب قومی ائرلائن پی آئی اے کے ترجمان کے مطابق سی ای او ارشد ملک کی وضع کردہ ایس او پیز سے مطمئن ہونے کے بعد کینیڈین حکام کی جانب سے پی آئی اے کو دوبارہ براہ راست پروازیں شروع کرنے کی اجازت موصول ہوگئی ہے۔ پی آئی اے کے ترجمان نے بتایا کہ پی آئی اے پہلے مرحلے میں ہفتہ وار تین پروازیں اتوار سے شروع کرے گا جبکہ پروازیں کراچی، لاہور اور اسلام آباد سے روانہ ہوں گی۔ ترجمان کا کہنا ہے کہ پروازوں پر بکنگ کھول دی گئی ہے اور لوگ بآسانی نشستیں حاصل کرسکتے ہیں۔ اس سے پہلے پی آئی اے کا کورونا کے باعث کینیڈا کیلئے فضائی آپریشن صرف کارگو تک محدود تھا۔۔۔۔