پاکستان میں سمارٹ فونز کی پروڈکشن شروع، پاکستانی موبائل صارفین کیلئے خوشخبری آگئی

لاہور(پی این آئی) ایئرلنک نے پاکستان میں سمارٹ فونز کی پروڈکشن شروع کر دی۔ لاہور میں قائم ہونے والے ایئرلنک سمارٹ فون پروڈکشن پلانٹ کا افتتاح وفاقی وزیر برائے صنعت و پیداوار محمد حماد اظہر نے کیا۔ ایئرلنک گزشتہ 10سال سے پاکستان میں سمارٹ فونز کی ڈسٹری بیوشن کر رہی ہے۔ وہ اب تک پاکستان میں

سام سنگ، آئی فون، ہواوے، شیاؤمی، ٹی یسی ایل، ٹیکنو اور دیگر برانڈز کے سمارٹ فون ڈسٹری بیوٹ کر چکی ہے۔ ایئرلنک کے اس پروڈکشن یونٹ میں سالانہ 60لاکھ سمارٹ فونز تیار کرنے کی صلاحیت ہو گی۔ پلانٹ میں 8پروڈکشن لائنز، 2کوالٹی لائنز اور 4پیکنگ لائنز ہیں۔ افتتاحی تقریب سے خطاب کرتے ہوئے وفاقی وزیر حماد اظہر کا کہنا تھا کہ اس پلانٹ کی تعمیر سے نہ صرف درآمدی بل کم ہو گا بلکہ ہزاروں نئی نوکریوں کے مواقع بھی پاکستانیوں کو میسر آئیں گے۔“ موبائل فون صارفین کیلئے بڑی خوشخبری آگئی، بھاری ٹیکسوں میں کمی کی منظوری دے دی گئی اسلام آباد(پی این آئی ) موبائل فون صارفین پر عائد بھاری ٹیکسوں میں کمی کی منظوری دے دی گئی ہے۔تفصیلات کے مطابق وفاقی وزیر انفارمیشن ٹیکنالوجی و ٹیلی کمیونیکیشن سید امین الحق کا کہنا ہے کہ وزارت آئی ٹی و ٹیلی کمیونی کیشن کی سفارشات کی روشنی میں وفاقی کابینہ نے ٹیلی کام سیکٹر کو انڈسٹری کا درجہ دینے ، ٹیلی کام سیکٹر اور موبائل فون صارفین پر عائد مختلف بھاری ٹیکسوں میں بتدریج کمی کرنے کی متفقہ طور پر منظوری دے دی ہے جس کا براہ راست فائدہ موبائل فون استعمال کرنے والے صارفین کو ہو گا۔نئی سم کی خریداری پر فیس وصولی بھی ختم کر دی گئی ہے۔واضح رہے کہ موبائل فونز کی صنعت میں سرمایہ کاری سے مقامی پیداوار اور روزگار میں اضافہ ہوگیا،

پاکستان اپنی ضروریات پوری کرنے کے ساتھ جلد اسمارٹ فونز برآمد بھی کرے گا ، موبائل اسیسریز بھی پاکستان میں ہی تیار کی جائیں گی۔انجینئرنگ ڈیویلپمنٹ بورڈ کے مطابق 3 غیر ملکی کمپنیوں کی ماہانہ تجرباتی پیداوار 10 لاکھ موبائل فونز سے تجاوز کرگئی ہے ، ایک مقامی کمپنی کی 200 ڈالر سے کم قیمت والے موبائلز کی ماہانہ پیداوار بھی ڈیڑھ لاکھ سے بڑھ کر ساڑھے 6 لاکھ تک پہنچ گئی۔رپورٹ کے مطابق اسمارٹ فون کی صنعت پھلنے پھولنے سے اب تک 6 ہزار سے زیادہ افراد کو روزگار بھی مل چکا ہے ، پاکستان ماہانہ 36 لاکھ اسمارٹ موبائل فون سیٹس کی مقامی طلب پوری کرنے کے قریب پہنچ گیا۔ حکام پرامید ہیں کہ جلد دنیا بھر کی مارکیٹس میں میڈ اِن پاکستان موبائل فونز نظر آئیں گے، موبائل فونز کیساتھ ٹیبلٹس اور اسیسریز بھی مقامی طور تیار کرنے کیلئے نئی کمپنیاں خصوصی دلچسپی لے رہی ہیں۔سیلز ٹیکس استثنیٰملنے سے 200 ڈالر سے زیادہ مالیت کے موبائل فون کی پیداوار بھی جلد متوقع ہے، پالیسی کے تحت مقامی کمپنیز کو موبائل فون کی برآمد پر 3 فیصد ٹیکس چھوٹ ملے گی۔رپورٹ کے مطابق مقامی مینوفیکچرز کی ٹو جی نان اینڈرائیڈ سے فور جی اسمارٹ فون پر منتقلی شروع ہوگئی ہے ۔