پیر سے لیکر جمعہ تک ڈالر، پائونڈ اور سعودی ریال کی قدر میں کتنا اضافہ ہوا؟

اسلام آباد(پی این آئی)اس ہفتے کے دوران انٹر بینک مارکیٹ میں ڈالر کی قیمت میں 17 پیسے اضافہ دیکھنے میں آیا جبکہ سعودی ریال بھی مہنگا ہوا،تفصیلات کے مطابق انٹر بینک مارکیٹ میں گزشتہ کاروباری ہفتے کے دوران ڈالر 17 پیسے مہنگا ہونے کے بعد 160.17 روپےسے مہنگا ہو کر 160.33 روپے پر بند ہوا جبکہ اوپن مارکیٹ میں بھی ڈالر کی قیمت میں 10 پیسے

اضافہ دیکھنے میں آیاہے جس کے بعد ڈالر 160 روپے 40 پیسے کا ہو گیا ۔انٹر بینک مارکیٹ میں یورو کی قیمت میں 50 پیسے کمی دیکھنے میں آئی اور یورو 195 روپے پر بندہوا، ایک ہفتے میں برطانوی پانڈ ڈیڑھ روپے مہنگا ہو کر 219 روپے کا ہو گیا ، سعودی ریال 10 پیسے بڑھ کر 4.65 روپے پر بندہوا۔دوسری جانب میڈیا رپورٹس کے مطابق سال 2021 میں ڈالر کرنسی کی ویلیو نہ ہونے کے برابر ہو جائے گی ،معاشی ماہرین مچ فیررسٹین نے انکشاف کیا ہے کہ یہ 2021 کی ایسی بریکنگ نیوز ہے کہ جس کی طرف ابھی تک کسی کا دھیان ہی نہیں جا رہا۔امریکہ اس وقت کئی ٹریلین ڈالر کا مقروض ہے۔زمبابوے سمیت دنیا کے کئی ممالک اپنے بینکوں سے پیسہ نکالنے کے لیے تیار ہی نہیں ہیں۔عالمی منڈی میں انتہا درجے کی مندی آ چکی ہے اور امریکہ کے قرضوں میں روز افزوں اضافہ ہوتا جا رہا ہے۔جیسے جیسے اس کےقرضے میں اضافہ ہو گاویسے ہی اس کی ویلیو میں کمی آتی چلے جائے گی اور آہستہ آہستہ اس کی ویلیو میں ستانوے فیصد تک کمی آ جائے گی جس کے نتیجے میں دنیا میں دیگر کرنسیوں پر اس کا راج ہمیشہ کے لیے ختم ہو سکتا ہے۔ ماہر معاشیات فیررسٹین کا کہنا تھا کہ معاشی منڈی کی مین اسٹریم یا پھر امریکہ میں کیا ہونے جا رہا ہے اس سے سارے بے خبر ہیں کیونکہ امریکہ کا فیڈرل ریزرو کافی عرصے بعد کم ہونا شروع ہوا ہے اور اس پر قرضے کا بوجھ بڑھتا جا رہا ہے ۔دنیا کے کئی ممالک نے تجارت اور دیگر معاملات میں روایتی انحصار سے ہٹ کر آزاد پالیسیوں پر غور کرنا شروع کر دیا ہے اور دنیا کے نقشے پر ابھرتی نئی معاشی قوتوں نے بھی آہستہ آہستہ اپنے پنجے گاڑنا شروع کر دیے ہیں جس وجہ سے امریکی ڈالر کو بڑے نقصان کا سامنا کرنا پڑے گا۔