لاس اینجلس(پی این آئی)امریکہ کی کونسی کمپنی 20 کھرب ڈالر مالیت کی پہلی امریکی کمپنی بن گئی، دوسری اور تیسرے نمبر پر کونسی کمپنیاں ہیں؟ حیرت انگیز خبر۔معروف ٹیکنالوجی کمپنی ایپل نے ایک سنگ میل عبور کرلیا جو اب 20 کھرب ڈالر مالیت کے ساتھ پہلی امریکی کمپنی بن گئی ہے۔غیر ملکی خبر رساں
ادارے کے مطابق رواں سال عالمی وبا کورونا وائرس کی وجہ سے ٹیکنالوجی کمپنی ایپل کو اپنے متعدد اسٹورز بند کرنا پڑے تھے لیکن اس کے باوجود بھی کمپنی کے شیئرز میں 50 فیصد سے زائد کا اضافہ دیکھنے میں آیا ہے۔دوسری جانب ایپل کے بعد سب سے زیادہ مالیت والی دوسری کمپنی ایمازون ہے جس کی مالیت 17 کھرب ڈالرز ہے، ایمازون کمپنی کے بھی شیئرز میں بھی کورونا وائرس کے دوران اضافہ ہوا ہے۔ایپل اور ایمازون کے بعد سب سے زیادہ مالیت والی تیسری کمپنی گوگل کی زیرِ ملکیت ایلفابیٹ ہے جس کی مالیت 10 کھرب ڈالرز سے زائد ہے۔۔۔۔۔۔۔۔۔۔۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
