**آزاد کشمیر اور سندھ میں بینظیر بھٹو کے یوم شہادت پر 27 دسمبر عام تعطیل**
حکومت سندھ کے بعد حکومت آزاد کشمیر نے بھی سابق وزیراعظم محترمہ بینظیر بھٹو کے یوم شہادت کے موقع پر **27 دسمبر 2025** کو ریاست بھر میں عام تعطیل کا اعلان کر دیا ہے۔
آزاد کشمیر کے محکمہ سروسز اینڈ جنرل ایڈمنسٹریشن نے باقاعدہ نوٹیفکیشن جاری کرتے ہوئے بتایا کہ اس روز تمام سرکاری دفاتر اور تعلیمی ادارے بند رہیں گے۔ چونکہ 27 دسمبر ہفتے کا دن ہے اور اس کے بعد اتوار کی ہفتہ وار چھٹی بھی شامل ہے، اس لیے سرکاری و تعلیمی اداروں میں **دو مسلسل چھٹیاں (27 اور 28 دسمبر)** ہوں گی۔
اس سے قبل حکومت سندھ نے بھی محکمہ محنت کے نوٹیفکیشن کے ذریعے 27 دسمبر کو صوبے بھر میں عام تعطیل کا اعلان کیا تھا۔
یاد رہے کہ سابق وزیراعظم محترمہ بینظیر بھٹو کو **27 دسمبر 2007** کو راولپنڈی میں منعقدہ پبلک میٹنگ کے بعد شہید کر دیا گیا تھا۔ ہر سال یوم شہادت پر ملک بھر میں انہیں خراج عقیدت پیش کیا جاتا ہے۔
تازہ ترین خبروں کے لیے پی این آئی کا فیس بک پیج فالو کریں
