آزاد کشمیر میں پاکستان تحریک انصاف کے ایک اور رہنما سردار میر اکبر نے پارٹی سے علیحدگی اختیار کرتے ہوئے مسلم لیگ (ن) میں شمولیت کا اعلان کر دیا۔
وفاقی وزیر انجینئر امیر مقام نے آزاد کشمیر کے مسلم لیگی رہنماؤں کے ہمراہ پریس کانفرنس کرتے ہوئے بتایا کہ حلقہ شرقی باغ سے رکن اسمبلی سردار میر اکبر نے مسلم لیگ (ن) میں باقاعدہ شمولیت اختیار کر لی ہے۔
دوسری جانب پاکستان تحریک انصاف کے فارورڈ بلاک کے پانچ ارکان نے بھی پیپلز پارٹی میں شمولیت کا اعلان کیا ہے۔
اس موقع پر صدر مسلم لیگ (ن) آزاد کشمیر شاہ غلام قادر نے کہا کہ مختلف حلقوں میں اپنے ساتھیوں کو واپس گھر لا رہے ہیں، بعض افراد نے مختلف وجوہات کی بنا پر جماعت کو چھوڑا تھا، اب انہیں دوبارہ پارٹی میں شامل کیا جا رہا ہے۔
انہوں نے مزید کہا کہ آج سردار میر اکبر نے مسلم لیگ (ن) میں شمولیت اختیار کی ہے اور ہم انہیں جماعت میں خوش آمدید کہتے ہیں۔
تازہ ترین خبروں کے لیے پی این آئی کا فیس بک پیج فالو کریں
