آزاد کشمیر میں حالیہ بارشوں کے باعث محکمہ تعلیم نے دو روزہ تعطیل کا اعلان کر دیا ہے۔ جاری کردہ نوٹیفکیشن کے مطابق 15 اور 16 اگست کو سرکاری و نجی تعلیمی ادارے بند رہیں گے۔
نوٹیفکیشن میں کہا گیا ہے کہ بارشوں، لینڈ سلائیڈنگ اور ممکنہ خطرات کے پیش نظر یہ فیصلہ کیا گیا ہے۔ گزشتہ روز مظفرآباد کی تحصیل نصیر آباد میں کلاؤڈ برسٹ کے بعد سیلابی ریلے کی زد میں آ کر ایک ہی خاندان کے 6 افراد جاں بحق ہوگئے۔ ادھر باغ میں تیز بارش سے ندی نالے بپھر گئے جبکہ سماہنی کے بھمبر نالے میں اونچے درجے کا سیلاب ہے۔ دوسری جانب گلگت بلتستان میں بارشوں، لینڈ سلائیڈنگ اور سیلابی صورتحال کے باعث 10 افراد زندگی کی بازی ہار گئے۔
تازہ ترین خبروں کے لیے پی این آئی کا فیس بک پیج فالو کریں
