اسلام آباد (پی این آئی)مسلم لیگ ق کے صدر چودھری شجاعت حسین نے سابق صدر آصف علی زرداری سے ملاقات کر کے حکومت کے ساتھ کھڑے رہنے کی یقین دہانی کر ا دی ۔ آصف علی زرداری نے بزرگ سیاستدان چوہدری شجاعت کے گھٹنوں کو عاجزانہ انداز میں چھوتے ہوئے ان کی عزت افزائی کی۔چوہدری شجاعت ، چوہدری سالک اور طارق بشیر چیمہ نے آصف علی زرداری سے ملاقات کی ۔
اس دوران چودھری شجاعت حسین نے کہا کہ ق لیگ اپنا وعدہ نبھا رہی ہے اور نبھاتی رہے گی،ہماری جماعت حکومت کے ساتھ ہاتھ میں ہاتھ ڈال کر کھڑی ہے۔آصف علی زرداری نے کہا کہ وفاقی حکومت ق لیگ کے ساتھ اور ق لیگ قومی حکومت کے ساتھ کھڑی ہے۔انہوں نے کہا کہ ق لیگ کے دونوں وفاقی وزرا ہماری حکومت کا اہم حصہ ہیں جب کہ چوہدری شجاعت سیاست کا اثاثہ ہیں۔
