اسلام آباد(آئی این پی ) اسمگلڈ پٹرول اور غیرقانونی پمپس کیخلاف کارروائی میں 11جنوری سے اب تک 1556غیر قانونی پٹرول پمپس سیل کردیئے گئے اور 30 لاکھ لیٹر پٹرول قبضے میں لے لیا۔ تفصیلات کے مطابق وزیراعظم عمران خان کے حکم پراسمگلڈ پٹرول اور غیرقانونی پمپس کیخلاف ایکشن جاری ہے ،
اس دوران 11جنوری سے اب تک 1556غیر قانونی پٹرول پمپس سیل کردیئے گئے۔ کارروائی کے دوران تقریبا 30 لاکھ لیٹر پٹرول اورایک کروڑ6لاکھ لیٹرغیرقانونی ڈیزل قبضے میں لیا گیا، 24جنوری کو 28 غیر قانونی پٹرول پمپس سیل کیے گئے ، جن میں کے پی میں15 ، سندھ میں10، پنجاب میں3غیرقانونی پمپس سیل کئے۔ یاد رہے 18 جنوری کو ملک بھرمیں پٹرول مافیاکے خلاف تازہ ترین کارروائیوں کی رپورٹ وزیراعظم کو پیش کی گئی تھی ، جس میں بتایا گیا تھا کہ 1083پٹرول پمپ سیل کرکے 65 لاکھ لیٹر پٹرول اور ڈیزل قبضے میں لے لیا گیا ہے۔ خیال رہے وزیراعظم نے پٹرول بحران پر انکوائری رپورٹ کے بعد وزارت داخلہ کو ملک بھر میں کریک ڈان کا حکم دیا تھا، اسمگل شدہ پٹرول کی فروخت سے ملک کو سالانہ 180ارب کا نقصان ہوا۔۔۔۔۔گٹر کے پانی سے سبزیاں اگانےکا معاملہ، عدالت نے حکم جاری کر دیاکراچی(آئی این پی ) سندھ ہائیکورٹ نے گٹر کے پانی سے سبزیاں اگانے پرکارروائی کاحکم دیتے ہوئے متعلقہ حکام سے 17 فروری تک رپورٹس طلب کرلیں۔ تفصیلات کے مطابق سندھ ہائی کورٹ میں کورنگی میں گندے پانی کی سبزیوں کو تلف کرنے کے کیس پر سماعت ہوئی ، ڈائریکٹرلیگل سندھ فوڈاتھارٹی،ایڈیشنل سیکریٹریزراعت و دیگر عدالت میں پیش ہوئے۔ پیش رفت رپورٹس پیش نہ کرنے پرعدالت نے متعلقہ حکام پربرہمی کا اظہار کیا، جسٹس محمد
علی مظہر نے کہا مطلب یہ ہواکوئی اپنی ذمہ داری ادا نہیں کر رہا،اتنا سنجیدہ معاملہ ہے کوئی محکمہ کام نہیں کررہا، گٹرکے پانی سے سبزیاں اگائی جارہی ہیں توسبھی کانقصان ہے۔ سندھ ہائیکورٹ نے سیکریٹری زراعت سے جامع جواب اور سندھ فوڈاتھارٹی سے سبزیوں کے نمونے کے نتائج بھی طلب کرلئے اور ملیر ندی میں گٹر سے سبزیاں اگانے پرکارروائی کا حکم دیا۔ عدالت نے متعلقہ حکام سے 17 فروری تک رپورٹس طلب کرتے ہوئے کہا کوئی زہریلے پانی سے سبزیاں اگائے توفوری کارروائی کریں۔ عدالت نے فورڈ اتھارٹی سے استفسار کیا بتائیں، کتنے چھاپے مارے، بتائیں کیا زہریلے پانی سے سبزیاں کنٹرول کیں، ایڈیشنل سیکریٹری زراعت نے بتایا کہ کمیٹی بنا دی گئی، موسم کی وجہ سیرکاوٹ ہے، جس پر جسٹس محمد علی مظہر نے کہا اس سے موسم کا کیا تعلق۔ ڈی سی کورنگی نے بتایا کہ 4،3بار ایکشن لیا، امن و امان کا مسئلہ ہوتا ہے،جسٹس محمد علی مظہر نے استفسار کیا سندھ فوڈ اتھارٹی کیا کر رہی ہے،ڈائریکٹر لیگل سندھ فوڈاتھارٹی نے کہا ہم نے نمونے لیے جن کے نتیجے کا انتظار ہے۔ جسٹس محمد علی مظہر نے کہا کہ آخر نمونوں کے نتائج میں اتنی تاخیر کیوں، کیا ڈپٹی کمشنرز کو کارروائی کیلئیعدالتی حکم کی ضرورتہے؟ کیا سندھ فوڈ اتھارٹی ہمارے فیصلے کا انتظار کرے گی، ذمہ داری ادا کرنا ہر ادارے کا فرض ہے۔ کراچی:ڈی سی کورنگی اور دیگر نے
عدالت میں رپورٹ جمع کراتے ہوئے افسران نے کارروائی کیلئے مشنیری کا مطالبہ کردیا، مختیار کار نے بتایا گندے پانی سے سبزیاں کاشت کرنے کیخلاف کارروائی کی گئی۔ رپورٹ میں بتایا گیا کہ مون سون کے بعد اس وقت پانی کا بہازیادہ ہے،گندے پانی کی سبزیاں تلف کرنے کیلئے3ماہ درکار ہیں، مزید کارروائی کیلئے مشنیری کی کمی کا سامناہے، ٹریکٹر، شاول ،عملہ اور مقامی پولیس کی مدددرکار ہے۔ ایڈیشل ڈی سی کورنگی کا کہنا تھاکہ 6سے 9 جون 2020کے درمیان ملیرندی پرکارروائی کی گئی، ٹاسک فورس علاقے کی مکمل نگرانی کر رہی ہے ، بعد ازاں سندھ ہائیکورٹ نے گٹر کے پانی سے سبزیاں اگانے پرکارروائی کاحکم دے دیا۔۔۔۔
تازہ ترین خبروں کے لیے پی این آئی کا فیس بک پیج فالو کریں
