اسرائیلی حکومت کی منظوری کے بعد ایک حیران کن موڑ پر اسرائیلی فوج نے غزہ میں جنگ بندی اور علاقے سے انخلا کا اعلان کردیا ہے۔
غیرملکی میڈیا کے مطابق جنگ بندی فوری طور پر نافذ ہوچکی ہے۔ فوجی ترجمان کا کہنا ہے کہ اسرائیلی افواج امریکی صدر کے پیش کردہ منصوبے کے تحت واپسی کی تیاری کر رہی ہیں، تاہم کسی بھی خطرے کی صورت میں جوابی کارروائی کا حق محفوظ رہے گا۔ اس تاریخی معاہدے کے تحت حماس آئندہ 72 گھنٹوں میں اسرائیلی یرغمالیوں کو رہا کرے گی، جبکہ انسانی ہمدردی کی بنیاد پر روزانہ 600 ٹرک امدادی سامان غزہ میں داخل ہوں گے — جن میں طبی امداد، خوراک اور عارضی رہائش کے لیے سامان شامل ہوگا۔
یہ پیش رفت مہینوں سے جاری تباہ کن جنگ میں ایک غیر متوقع خاموشی کی علامت سمجھی جا رہی ہے۔
تازہ ترین خبروں کے لیے پی این آئی کا فیس بک پیج فالو کریں
