ایران کے دارالحکومت تہران میں پانی کا بحران خطرناک حد تک پہنچ گیا ہے۔ ایرانی صدر مسعود پیزشکیان نے ٹیلی ویژن پر خطاب کرتے ہوئے شہریوں کو خبردار کیا کہ اگر حالات میں بہتری نہ آئی تو تہران کو خالی کرنا پڑ سکتا ہے۔
صدر نے کہا کہ آنے والے دنوں میں بارش نہ ہونے کی صورت میں شہر میں پانی کی شدید قلت ہوگی۔ نومبر کے آخر یا دسمبر کے آغاز میں پانی کی راشننگ کا آغاز کیا جائے گا، اور اگر بارش نہ ہوئی تو شہریوں کو شہر چھوڑنے کا حکم بھی دیا جا سکتا ہے۔ حکام کے مطابق تہران کے مرکزی پانی کے ذخائر میں صرف دو ہفتوں کا پانی باقی ہے۔ اس سال ملک میں بارشیں 40 فیصد کم ریکارڈ کی گئی ہیں، اور کئی صوبوں کو پانی کی کمی کا سامنا ہے جو 50 سے 80 فیصد تک پہنچ چکی ہے۔ ایران شدید خشک سالی کی لپیٹ میں ہے اور پانی کی صورتحال تشویشناک ہے۔
تازہ ترین خبروں کے لیے پی این آئی کا فیس بک پیج فالو کریں
