سعودی عرب میں گھریلو ملازمین سے کسی بھی قسم کی فیس وصول کرنے پر پابندی عائد کر دی گئی۔
عرب میڈیا کے مطابق سرکاری اعلامیہ میں کہا گیا ہے کہ ملازمین سے بھرتی، ورک پرمٹ یا پیشے کی تبدیلی کے بدلے کوئی فیس نہیں لی جائے گی۔ اس قانون کی خلاف ورزی کرنے والوں پر 20 ہزار ریال جرمانہ اور تین سال تک گھریلو ملازم رکھنے پر پابندی عائد کی جائے گی۔
اس سے قبل سعودی حکومت نے مملکت میں مستقل سکونت اختیار کرنے کے خواہشمند غیر ملکیوں کے لیے خوشخبری سنائی تھی کہ وہ بغیر کفیل کے یہاں مستقل رہائش اور دیگر شہری فوائد حاصل کر سکتے ہیں۔
سعودی عرب کی جانب سے غیر ملکیوں کے لیے پیش کردہ پریمیئم رہائش اسکیم کے اکتوبر کے نئے اپ ڈیٹ میں فیس کی ادائیگی کے طریقہ کار، مستقل سکونت کے فوائد اور دیگر تفصیلات جاری کی گئی ہیں۔
تازہ ترین خبروں کے لیے پی این آئی کا فیس بک پیج فالو کریں
