واشنگٹن : امریکی صدر ڈونلڈ ٹرمپ نے اسرائیل کو فوری طور پر غزہ پر بمباری روکنے کا حکم دے دیا ہے۔
حماس کے تازہ بیان کے بعد جاری اپنے ویڈیو پیغام میں ٹرمپ نے کہا کہ “یہ ایک بڑا دن ہے، ہم دیکھیں گے کہ نتیجہ کیا نکلتا ہے۔ ہمارے الفاظ ٹھوس اور حتمی ہیں، میں یرغمالیوں کے اپنے والدین کے گھر واپس آنے کا منتظر ہوں۔” امریکی صدر نے کہا کہ حماس کے حالیہ بیان سے ظاہر ہوتا ہے کہ وہ پائیدار امن کے لیے تیار ہے، لہٰذا اسرائیل کو فوراً غزہ پر حملے بند کر دینے چاہییں۔
یہ بیان اس وقت سامنے آیا ہے جب حماس نے جنگ بندی کی تجویز پر باضابطہ جواب دیا ہے۔ ٹروتھ سوشل پر جاری اپنے ایک اور پیغام میں ٹرمپ نے قطر، ترکی، سعودی عرب، اردن، مصر اور دیگر ممالک کی قیامِ امن کی کوششوں کو سراہا۔ انہوں نے کہا کہ وہ ان عرب ممالک کے شکر گزار ہیں جنہوں نے حماس کے ساتھ امن معاہدے میں مدد فراہم کی۔
تازہ ترین خبروں کے لیے پی این آئی کا فیس بک پیج فالو کریں
