ملک کے مختلف شہروں میں صبح سویرے موسلا دھار بارش اور ژالہ باری ہوئی۔
اسلام آباد اور راولپنڈی میں علی الصبح تیز ہواؤں کے ساتھ بارش برسنے کے ساتھ چند علاقوں میں اولے بھی پڑے۔ جڑواں شہروں کے علاوہ رات گئے باجوڑ، مالاکنڈ اور سوات میں بھی گرج چمک کے ساتھ بارش اور ژالہ باری ریکارڈ کی گئی۔ محکمہ موسمیات کے مطابق آج مری، گلیات، جہلم، گوجرانوالہ اور لاہور سمیت پنجاب کے مختلف حصوں میں بارش متوقع ہے۔ اسی طرح دیر، چترال، پشاور، مردان کے علاوہ کشمیر اور گلگت بلتستان میں بھی بارش کی پیشگوئی کی گئی ہے۔
سندھ کے شہروں کراچی، حیدرآباد اور میرپورخاص میں بھی چند مقامات پر بارش کا امکان ظاہر کیا گیا ہے۔
تازہ ترین خبروں کے لیے پی این آئی کا فیس بک پیج فالو کریں
