اسلام آباد کچہری حملے کے سہولت کار اور ہینڈلر کو سیکیورٹی اداروں نے گرفتار کرلیا ہے۔
ذرائع کے مطابق سہولت کار گزشتہ ایک ماہ سے راولپنڈی میں مقیم تھا، جہاں سے اسے حراست میں لیا گیا، جب کہ حملے کا ہینڈلر خیبرپختونخوا سے گرفتار ہوا۔ دونوں ملزمان کا تعلق خیبرپختونخوا سے بتایا جا رہا ہے، جنہیں تفتیش کے لیے نامعلوم مقام پر منتقل کردیا گیا ہے۔ تحقیقات میں انکشاف ہوا ہے کہ خودکش حملے سے قبل سہولت کار اور حملہ آور نے جوڈیشل کمپلیکس کا متعدد بار دورہ کرکے سیکیورٹی صورتحال کا جائزہ لیا تھا۔
واضح رہے کہ اسلام آباد جوڈیشل کمپلیکس میں ہونے والے خودکش دھماکے میں 12 افراد شہید اور 36 زخمی ہوئے تھے، جب کہ گزشتہ روز سیکیورٹی اداروں نے حملہ آور کو کمپلیکس تک پہنچانے والے موٹرسائیکل سوار کو بھی گرفتار کیا تھا۔
تازہ ترین خبروں کے لیے پی این آئی کا فیس بک پیج فالو کریں
