ڈسٹرکٹ اینڈ سیشن کورٹ اسلام آباد نے 9 مئی اور دیگر پانچ مقدمات میں بانی پاکستان تحریک انصاف اور ان کی اہلیہ بشریٰ بی بی کی گرفتاری سے پولیس کو روک دیا۔
ایڈیشنل سیشن جج افضل مجوکہ نے کیس کی سماعت کے دوران دونوں کی قبل از گرفتاری ضمانت میں 25 نومبر تک توسیع کر دی۔ عدالت نے آئندہ سماعت پر بانی پی ٹی آئی کو عدالت میں یا ویڈیو لنک کے ذریعے پیش ہونے کی ہدایت بھی جاری کی۔ سماعت کے دوران بانی پی ٹی آئی اور بشریٰ بی بی کی جانب سے شمسہ کیانی ایڈووکیٹ پیش ہوئیں۔ یاد رہے کہ بانی پی ٹی آئی کے خلاف 9 مئی، اقدامِ قتل اور جعلی رسیدوں سمیت متعدد مقدمات درج ہیں، جب کہ بشریٰ بی بی پر مبینہ جعلی رسیدیں جمع کرانے کا الزام ہے۔
تازہ ترین خبروں کے لیے پی این آئی کا فیس بک پیج فالو کریں
