مذہبی جماعت کے احتجاج کے خاتمے کے بعد راولپنڈی میں چار روز بعد تعلیمی ادارے کھل گئے۔
جیو نیوز کے مطابق وفاقی دارالحکومت اسلام آباد اور راولپنڈی میں بند کی گئی تمام رابطہ سڑکیں ٹریفک کے لیے کھول دی گئی ہیں، جس کے بعد مری روڈ سمیت مختلف شاہراہوں پر آمدورفت معمول پر آگئی ہے۔ شہر میں تجارتی سرگرمیاں بھی بحال ہوگئی ہیں، مری روڈ پر دکانیں اور کاروباری مراکز کھل گئے ہیں، تاہم مری روڈ سے فیض آباد جانے والا راستہ اور راولپنڈی–اسلام آباد میٹرو بس سروس بدستور بند ہے۔
ادھر آئی جی پی روڈ، ڈبل روڈ اور ایکسپریس وے ٹریفک کے لیے کھول دیے گئے ہیں، جب کہ راولپنڈی سے ڈبل روڈ کے ذریعے نائنتھ ایونیو کا راستہ بھی بحال کردیا گیا ہے۔ علاوہ ازیں راولپنڈی اور اسلام آباد میں موبائل فون اور ڈیٹا سروسز بھی مکمل طور پر بحال کردی گئی ہیں۔
تازہ ترین خبروں کے لیے پی این آئی کا فیس بک پیج فالو کریں
