سیکیورٹی فورسز نے اورکزئی میں انٹیلی جنس بیسڈ آپریشن کے دوران 19 بھارتی سرپرست خوارج کو ہلاک کردیا۔
پاک فوج کے شعبہ تعلقاتِ عامہ (آئی ایس پی آر) کے مطابق یہ آپریشن 7 اور 8 اکتوبر کی درمیانی شب بھارتی پراکسی فتنہ الخوارج کے ٹھکانے پر کیا گیا۔ آپریشن کے دوران شدید فائرنگ کے تبادلے میں لیفٹیننٹ کرنل جنید عارف، جو فرنٹ لائن پر اپنی ٹیم کی قیادت کر رہے تھے، سمیت 11 بہادر جوان جامِ شہادت نوش کرگئے۔ شہداء میں میجر (سیکنڈ ان کمانڈ)، نائب صوبیدار اعظم گل، نائیک عدیل حسین، نائیک گل امیر، لانس نائیک شیر خان، لانس نائیک طالش فراز، لانس نائیک ارشاد حسین، سپاہی طفیل خان، سپاہی عاقب علی اور سپاہی محمد زاہد شامل ہیں۔
آئی ایس پی آر کے مطابق علاقے میں کلیئرنس آپریشن تاحال جاری ہے۔ فوج نے واضح کیا کہ بھارتی سرپرستی میں چلنے والی دہشتگردی کے مکمل خاتمے تک کارروائیاں جاری رہیں گی۔ شہداء کی قربانیاں قوم کے دہشتگردی کے خلاف عزم کو مزید مضبوط بناتی ہیں۔
تازہ ترین خبروں کے لیے پی این آئی کا فیس بک پیج فالو کریں
