اسلام آباد کی سیشن عدالت میں وزیر اعلیٰ خیبر پختونخوا علی امین گنڈاپور کے خلاف شراب و اسلحہ برآمدگی کیس کی سماعت ہوئی۔ کیس کی کارروائی کے دوران علی امین گنڈاپور کی جانب سے کوئی پیش نہ ہوا، جس پر عدالت نے برہمی کا اظہار کرتے ہوئے ایک بار پھر گرفتاری کے وارنٹ جاری کر دیے۔
جوڈیشل مجسٹریٹ مبشر حسن نے عدم پیشی پر علی امین گنڈاپور کو گرفتار کر کے 17 ستمبر کو عدالت میں پیش کرنے کا حکم دیا۔ یاد رہے کہ اس کیس میں اس سے قبل بھی وزیر اعلیٰ خیبر پختونخوا کے وارنٹ گرفتاری جاری ہو چکے ہیں۔ یہ مقدمہ اسلام آباد کے تھانہ بارہ کہو میں درج کیا گیا تھا۔
تازہ ترین خبروں کے لیے پی این آئی کا فیس بک پیج فالو کریں
